Utoqqalinersiuteqalernermi

Pisortanit utoqqalinersiaqalernissamut piumasaqaatit naammassigukkit - taakkua Kalaallit Nunaanni utoqqalinersiaqarneq pillugu inatsimmi qaqugukkulluunniit atuuttumi nassuiaatigineqarput - taava aammattaaq SISA-mit soraarnerussutisiannik pisartagaqarlutit aallartissinnaavutit.

Utoqqalinersiuteqarneq pillugu Inatsisartut Inatsisaat nr. 20, 23. november 2015-imeersoq pillugu sukumiinerusumik atuarit.

 

Automatiskiusumik uagutsinnit allagarsissaatit tassani ilinnut erseqqissaatigineqassapput, tassa

  • soraarnerussutisiassanik pisartagaqarnerit aallartissinnaagit, imaluunniit
  • pisartagaqalernissat kinguartissinnaagit kingusinnerusukkut pisartagaqalerlutit.

Allakkani ilanngunneqassaaq immersugassat illit immersoriarlugu uagutsinnut utertitassat.

Matusissutissat nassuiaassutigineqarnerat

Illit SISA-mi soraarnerussutisiassatit pilersinneqarput inuuneq naallugu soraarnerussutisiassatut piffissami ukiuni qulini qulakkeerneqarlutik.

Tamanna imatut paasineqassaaq soraarnerussutisiassanik pisartagassanik pissarsisassaatit inuunivit sinnerani,

  • Imaappat pisortanit utoqqalinersiuteqarnissamut ukioritinneqartut suli angunagit toqukkut qimagullutit, taava ileqqaakkatit tamarmik salliutinneqartumut imaluunniit salliutinneqartunut tunniunneqassapput.
  • Imaappat soraarninngoreersimallutik toqukkut qimagullutit, taava salliutinneqartumut imaluunniit salliutinneqartunut ileqqaakkavit sinneri tunniunneqassapput piffissap qulakkeerinniffiusup ukiut qulit anguneqarnissaata tungaanut.

Qanoq annertutigusut tigusartagarineqassappat?

Ulloq taanna soraarninngoruit tigusartagassatit naatsorsussavagut, tigusartagassatillu annertussusilerneqassapput qanoq annertutigisunik katersisimanerit tunngavigalugu.
Soraarninngunnginninni naatsorsussavarput tigusartagarilerumaakkappit annertussusissaat. Tamanna Pensionisiassakka-mi takusinnaassavat. Naatsorsuinermi aallaaviussapput qaammatini kingullerni 24-ini akiliutigisarsimasappit assigiimmik annertussuserisimasaat.

Tigusartagassatilli ukiumut katinnerini 8.000 kr.-inik annikinnerussappata katersatit ataatsikkut tigusinnaassavatit akileraarut ilanngaatigalugu.

Soraarnerussutisiassappit tigusartagarilernissaat kingusinnerusukkut tigusalerusullugit aaliangeruit, kingunerissavaa tigusartagaleriumaagassappit annertunerulernerinik.

Soraarninngoreeruit tigusartakkatit ukiut tamaasa aaqqiivigineqartassapput. Aaqqiinerup taassuma tunngavigissavai SISA-p aningaasaliissuteqartarnermini pissarsiarisartagai aammalu Nunatsinni inuuneqqortussutsip nikissinnaanera.

 

Siunnersuineq ilitsersuinerlu

Nangaassuteqarnak uagutsinnut attaveqarsinnaavutit.

Telefonigut ullut tamaasa ammasarput piffissami 10 - 14, kiisalu uagutsinnut mailimik nassiussinissannut aammattaaq periarfissaqarputit.

Mailit paasissutissanik inummut tunngasunik mianerisassaasunik imaqarpat, taava qinnuigissavatsigit una atoqqullugu attaveqarnermi immersugassaq.

 

Denne hjemmeside anvender cookies til at sikre, at du får den bedste oplevelse på siden. Læs mere her

Ok