Oqariartuut takorluugarlu

  • erniat annertuut
  • aningaasartuutit annikitsut

Oqariartuut

SISA ilaasortaminut soraarnerussutisiaqalernissaannik kajungernartumik aaqqissuussinernik iluanaaruteqarluarnartunik aamma aningaasartuutikitsunik qulakkeerinnippoq.

 

Takorluugaq

Kalaallit Nunaannut tamarmut soraarnerussutisiaqarnissamut aningaasaateqarfittut SISA-p Nunatsinni aningaasaateqarfik annertusiartortinniarpaa suliatigullu piginnaasanik ineriartortitseqqinniarluni. Tamanna piumasaqaataavoq suleqatitta Nunatta avataaniittut allaffissornikkut suliarisartagaat suliarisalersinnaanissaannut. Tamatumunnga ilutigitillugu inuiaqatigiinni pitsaanerulersitsinermut peqataassaagut.

SISA-p allaffissornikkut suliassat amerlanerusut ingerlatilerpagit tamanna pissaaq aningaasartuutit amerlassusiisa danskit sulisoqarnermi soraarnerussutisiaqalernissamut aaqqissuussinerannut naleqqiunneqarsinnaanerat ataqqillugu.

Inuiaqatigiinni digitaliseriineq annertusiartuinnarpoq. Tamanna SISA-p atorluarniarpaa ilaasortanik ammasumik oqaloqateqartarnissamut. Ilaasortanut SISA-mut attaveqartarnerat  ajornannginnerulersinniarparput, siunnersorneqartarnissaat aamma ilaasortat ataasiakkaat soraarnerussutisiaqalernissaannut aaqqissuussinerit, inuunerminni allannguutaasut malitsigisaannik,  tulluarsartarniarlutigik. Aammattaaq aningaasaateqarfimmi periutsit sapinngisamik annertunerpaamik digitalisererneqassapput.

SISA-mi soraarnerussutisiaqalernissamut aaqqissuussinerit sillimmasiinikkut matussutissiinernik, ilaasortanit ujartorneqartunik ilaqarput, isumaqatigiissutit imaluunniit suliffeqarfimmik soraarnerussutisiassat pillugit isumaqatigiissutigineqarnermi killiliussat iluanni. Sillimmaserneqarnermi matusissutissanut akigitinneqartut piffissap ingerlanerani taarsiissutinut aningaasartuutiviit matussutissiissutissanut aningaasartuutit ilanngullugit assigilissavaat.

Soraarnerussutisiassat piffissami sivisuumi ileqqaagaapput. Taamaattumik SISA-p qitiutinniarpaa ilaasortat ileqqaagaasa aningaasaliissutiginissaat imatut; iluanaarutaasoq ukiut tulleriit arlaqartut ingerlaneranni ileqqaakkanut ilanngunneqartartut Kalaallit Nunaanni aamma Danmarkimi soraarnerussutisiaqalernissamut neqerooruteqartunut allanut naleqqersuussigaanni 10 %-it pitsaanerpaat akornanni inissisimajuaannartarnissaat. Aningaasaliissutinut atatillugu SISA-p Nunatsinni aningaasaliissutit immikkut qitiutippai, tamanna iluanaarutitigut aamma nalorninartoorfiusinnaasutigut atugassarititaasut allat aningaasaataannik aqutsinermi piffissaq sivisunerusoq eqqarsaatigalugu naleqquttumik pisinnaappat.

Denne hjemmeside anvender cookies til at sikre, at du får den bedste oplevelse på siden. Læs mere her

Ok