Soraarnerussutisiassat pillugit

Sooq soraarninngornissamut ileqqaartoqassava

Akissuteqapallanneq tassaavoq - illinnut pillutit!

Soraarnerussutisiaqalernissamut ileqqaarnissaq isummerfigissallugu nalunarpoq inuusuttutut sulilluni aallarterlaajulluni. Tassami soraarninngornissamut ukiorpassuit suli ingerlasussaavoq. Kisianni - illit ullumikkut toqqakkatit illit soraarninngorlutit inuunissannut annertuumik pingaaruteqarput. Taamaattumik pingaaruteqarpoq soraarnerussutisiaqalernissamut ileqqaagaqarnerit qitiutikkukku aamma aallaqqaataanit qanoq ittoqarnera iserfigigukku. Tamanna soqutiginanngitsutut, paasiuminaatsutut aamma nalunartutut isikkoqarsinnaavoq, kisianni taamaappat siunnersorneqarnissamik aamma ilitsersorneqarnissamik ujartuigit - tamatuma akeqartannginnera nalinginnaasuuvoq.

Imaassinnaasoq illit inuunerit allat amerlanerit inuunerattut ingerlasoq. Sulillutit aallartipputit 20-nik ukioqaleqqammerlutit aamma soraarninngornissavit tungaanut sulillutit. Tamatuma kingornatigut naatsorsueqqissaarnerit malillugit ukiut 15-it missaanni soraarninngorsimallutit inuuneqartussaavutit, tassani illit sulininnit nalinginnaasumik isertitaarussimassaatit taamaattumillu aningaasartuutit tamaasa akilersortussaallugit - soorlu assersuutigalugu pisortanit utoqqalinersiutinit, neriuginartumillu illit nammineq ileqqaarsimasannit tapertaqartillugit.

Ullumikkut utoqqalinersiuteqalersinnaavutit 66-inik ukioqaleruit kisianni 2021-minngaannit utoqqalinersiuteqalersinnaanermi ukiut 67-inut qaffanneqareersimassapput - aamma kiap ilisimavaa, immaqa utoqqalinersiuteqalersinnaaneq suli qaffaqqinneqassasoq piffissap sivisunngitsup ingerlanerani.

Ikiliartuinnarpugut inuussutissarsiornermi sulisuusugut utoqqarnik amerliartuinnartunik pilersuisussat. Utoqqaat amerliartuinnartut pisortat utoqqalerniutinut aningaasartuutaat amerlisissavaat aamma tamanna pisortat aningaasaataannit tatisisussaavoq. 

Taamaattumik isumassarsiatsialaavoq pitsaasoq nammineq inuttut akisussaassuseqarluni soraarninngornissamut ileqqaagaqarnissaq. Taamaalillutit illit nammineq sunniuteqarfigissavat soraarninngorlutit inuunivit aningaasaqarnikkut qanoq ingerlanissaa.

Uanga soraarnerussutisiassakka

NemID atorlugu iserfigiuk tassanilu takukkit, SISA-mi ilinnut soraarnerussutisiaqalernissamut aaqqissuussineq pillugu immikkuualuttut ilanngullugit, paasissutissat.  

Ilitsersuut maliguk.

SISA ingerlaavartumik PensionsInfo-mut paasissutissanik nalunaaruteqartarpoq

PensionsInfo tassaavoq peqatigiiffik aamma danskit aningaaseriviisa, sparekassiisa, soraarnerussutisiaqalernissamut aningaasaateqarfiisa, LD-ip, ATP-ip Udbetaling Danmarkip (Naalagaaffimmi Tjenestemandit) kiisalu soraarnerussutisiaqalernissamut- aamma sillimmasiissuteqarnermut ingerlatsiviisa suleqatigiiffiat. 

Tamakku saniatigut PensionsInfo-p suleqatigai Erhvervs- og Vækstministeriet, Beskæftigelsesministeriet, Styrelsen for arbejdsmarked og rekruttering aammattaaq A-Kassernes Samvirke aamma KMD suleqatigai.

PensionsInfo nammineq naatsorsuisanngilaq, kisianni, paasissutissat tunniussisunit tunniunneqartut, taamaallaat ingerlateqqittarpai. Taamaattorli PensionsInfo-mit, atuisup nammineq utoqqalinersiutiminik aamma aningaaseriviit toqqarneqartut tunniuttagaanik, naatsorsuinissaa periarfissiissutigineqarpoq.

Paasissutissat PensionsInfo-miittut atuisumit namminermit taamaallaat takuneqarsinnaapput aamma paasissutissat toqqorneqartanngillat, imaanngippat atuisup nammineq paasissutissat imminut tunngasut PensionsInfo-mi ilaasortamut nammineq nassuinnissaat toqqarlugit.

Denne hjemmeside anvender cookies til at sikre, at du får den bedste oplevelse på siden. Læs mere her

Ok