SISA pillugu

Oqaluttuassartarput naalisarlugu

 

1994-imi marsip ulluisa qulingiluaannili isumaqatigiissutigineqarpoq SIK-p, Finansministeriap aamma Naalakkersuisut akornanni ataatsimoortumik isumaqatigiissutaat naapertorlugit atorfeqartunut soraarnerussutisiaqarnissamut aningaasaateqarfiliortoqarnissaa.  

Soraarnerussutisiaqarnermut Aningaasaateqarfik Nunatsinni angerlarsimaffeqassaaq ilaasortat innarluuteqartut, katissimalluni aapparisat aamma meeqqat utoqqalinersiassanik kingornussinissaat siunertaralugit.

Kisianni ukiut tallimat qaangiuttullu – sivisuumik aamma ilungersunartumik isumaqatigiinniareernermi – SISA Finanstilsynet-imit akuersissummik tunineqarmat ataatsimeersuarnermi pilersitsitsiffiusumi ullormi 1. juulimi 1999-imi piviusunngortinneqarpoq.

Ukiuni 1994 – 1999 SISA pilersinneqarnerup nalaaniippoq aamma ilaasortat soraarnerussutisiassatut akiliutaat GrønlandsBANKENimit isumagineqarlutik taamaallaat katersaapput, tassa sillimmasiinermut matussutissartaqanngitsut.

1999-imi SISA soraarnerussutisiaqartitsinermut aningaasaateqarfittut namminersortutut pilersinneqarmat ilaasortat innarluuteqartut, katissimalluni aapparisat aamma meeqqat utoqqalinersiassanik kingornussinissaannik siunertaqarneq piviusunngortinneqarpoq.

Ukiuni 1999-imiit 2016-imut taamaallaat SIK-p isumaqatigiissuterpassui assigiinngitsut malillugit atorfeqartutut akissarsiallit SISA-mi ilaasortaapput.

2016-imi SISA-mi siulersuisut ilaasortanngorsinnaasut amerlivaat aammattaaq kattuffiit / isumaqatigiissutit allat aamma akissarsiallit atugassarititaasut atorfilittut ittut aallaavigalugit atorfillit ilaasortaasinnaanngortillugit.   

Uagut kisiartaalluta soraarnerussutisiaqarnissamut aningaasaateqarfiuvugut Kalaallit Nunaanni najugaqartuusoq. Ilaasortanit pigineqarpugut, taamaattumillu aktiaatilinnut sinneqartoorutinik tunniussisartussaanata.

Neqeroorutigaavut sulisartoqarnermi kikkunnut tamanut soraarnerussutisiassat nutaaliaasut – isumaqatigiissutit aallaavigalugit imaluunniit suliffeqarfimmik imaluunniit kattuffimmik isumaqatigiissuteqarneq apeqqutaatinnagit. Soraarnerussutisiassatut aaqqissuussinerni aallaavigineqarpoq sulisut ataasiakkaat pinngitsoornatik peqataanissaat atorfinitsitsinneqarnermullu attuumassuteqarlutik. Taamaammat aaqqissuussinerit assigiimmik pisussaanertut aaqqiinerupput.  

Nuummi allatseqarfitta sulisut kalaallisut qallunaatullu allattariarsornikkut aamma oqalunnikkut sullitarai.

 

Malittarisassaatigut

Denne hjemmeside anvender cookies til at sikre, at du får den bedste oplevelse på siden. Læs mere her

Ok