Akiliisarnerup uninnera

Illit soraarnerussutisiaqalernissamut aaqqissuussinernut akiliutigineqartartut unippata ilaajunnaarneq pillugu allagarsissaatit.

Allakkani sukumiisumik allassimavoq illit qanoq pisunut tunngatillugu isummernissat, ilaatigullu immikkoortut makkua sammineqarput.

 

Soraarnerussutisiaqalernissaq uninngatinneqarallartoq

Soraarnerussutisiaqalernissamut akilersuisoqannginnera pillugu aaqqissuussineq ilinnut tunngasoq automatiskiusumik soraarnerussutisiaqalernissatut uninngagallartutut allanngortinneqarpoq. Tamanna imatut paasineqassaaq sillimmasiinerni matusissutissaajunnartut atorunnaartut.

Ilaasortanut SIK-p isumaqatigiissutaannik atuisunut nappaatit peruluutaasut ilaannut matusissutissat immikkut maleruaqqusat naapertorlugit atorunnaassapput.

Uninngasuutitit suli ernialersorneqassapput aningaasaliissuteqarnerni iluanaarutinit ilaasortat allat tamarmik uninngasuutaat assigalugit, aamma illit ineriartorneq ingerlaavartumik malinnaaffigisinnaavat uani Pensionisiassakka.

Sivisuumik napparsimaneq imaluunniit sulisinnaajunnaarnermi pisortanit siusinaartumik pensionisiaqalernissamut akuerineqarneq

Soraarnerussutisiaqalernissamut aaqqissuussinermut akiliisannginneq illit suliffinnit sivisuumik napparsimanermit - imaluunniit sulisinnaajunnaarnermi pisortanit siusinaartumik pensionisiaqalernissamik akuerineqarsimanermik patsiseqarpat, taava ingerlaannartumik sapinngisamik piaarnerpaamik uagutsinnut saaffiginnissaatit.

Kalaallit Nunaanni allamik suliffeqalerneq

Allamik suliffeqalersimaguit aamma kattuffiit isumaqatigiissutaat malillugit atorfeqarunnaarlutit imaluunniit sulisitsisut nutaaq SISA-mit suliffeqarfittut isumaqatigiissuteqarsimanngippat, taava imaattunik periarfissaqarputit:

  1. Soraarnerussutisiaqalernissamut ilinnut aaqqissuussineq nammineq akilersuillutit ingerlateqqissinnaavat nammineq ingerlatitseqqinneq pillugu maleruaqqusat naapertorlugit. Minnerpaamik akiliutigisassavatit Kikkut tamarmik soraarnerussutisiaqalernissamut peqataanissaat pillugu Inatsimmi soraarnerussutisiaqalernissamut akileeqataassutissatut aalajangersakkat naapertorlugit.
  2. Imaappat illit suliffiit nutaaq aqqutigalugu kattuffiit isumaqatigiissutaanut imaluunniit suliffeqarfiup soraarnerussutisiaqalernissamut tamanut isumaqatigiissuteqarnermut ilaalluni, kiisalu Kalaallit Nunaanni soraarnerussutisiaqalernissamut neqerooruteqartumut akilersuisoqarluni, taava ilaatigut SISA-mi ileqqaakkatut uninngasuutitit soraarnerussutisiaqalernissamut aaqqissuussinermut nutaamut nuunneqarsinnaapput. Taamatut pisoqartillugu soraarnerussutisiaqalernissamut neqerooruteqartup nutaap ikiussavaatit.

Kalaallit Nunaanni suliffeqarnani

Nutaamik suliffittaarsimanngikkuit kisianni suli Kalaallit Nunaannut akileraaruteqartarlutit aamma allamik isertitaqarlutit, taava eqqumaffigissavat Kikkut tamarmik soraarnerussutisiaqalernissamut peqataanissaat pillugu Inatsimmi soraarnerussutisiaqalernissamut akiliisarnissaq ilinnut atuummat. Soraarnerussutisiaqalernissamut ilinnut aaqqissuussineq nammineq akilersuillutit ingerlateqqissinnaavat nammineq ingerlatitseqqinneq pillugu maleruaqqusat naapertorlugit.

 

Kalaallit Nunaannit nuunneq

Kalaallit Nunaannit nuussimaguit taava soraarnerussutisiaqalernissamut aaqqissuussinermut akilersuinerit ingerlateqqissinnaanngilat. Ilinnut soraarnerussutisiaqalernissamut aaqqissuussineq soraarnerussutisiassatut uninngasutut allanngortinneqassaaq aamma tunniunneqassaaq maleruaqqusat naapertorlugit, Kalaallit Nunaanni utoqqalinersiuteqalersinnaanermut ukiut angugukkit.

 

Siunnersuineq ilitsersuinerlu

Nangaassuteqarnak uagutsinnut attaveqarsinnaavutit.

Telefonigut ullut tamaasa ammasarput piffissami 10 - 14, kiisalu uagutsinnut mailimik nassiussinissannut aammattaaq periarfissaqarputit.

Mailit paasissutissanik inummut tunngasunik mianerisassaasunik imaqarpat, taava qinnuigissavatsigit una atoqqullugu attaveqarnermi immersugassaq.

Denne hjemmeside anvender cookies til at sikre, at du får den bedste oplevelse på siden. Læs mere her

Ok