Aningaasanik ilisineq

Qanoq sulisorisap soraarnerussutisiassanut katersivianut akiliisoqartarpa

Manna tikillugu sulisitsisut sulisorisat ataasiakkaarlugit soraarnerussutisiassanut katersiffigisaannik immikkut konto-normoqartittariaqartarpaat.

Sulisitsisup nammineq sulisorisaq SISA Webservice atorlugu konto-normussaanik pilersitsivigisariaqartarpaa – imaluunniit SISA-p allattoqarfianiit konto-normumik pilersitsissunneqartarpoq.

 

Periuseq tamanna allanngortipparput

Siunissami sulisitsisoq konto-normumik ataatsimik pilersitsissunneqartassaaq, konto-normulu taanna sulisorisanut soraarnerussutisiassat pillugit isumaqatigiissummik ataatsimik atuisunut atuutsinneqassaaq.

Suliffeqarfik imaluunniit kattuffik/ingerlatsivik arlalinnik isumaqatigiissutinik atuisunik sulisulik, taamaalillutillu soraarnerussutisiassanik arlalinnik isumaqatigiissuteqarsimasoq, sulisorisat immikkoortunut arlalinnut, suleqatigiikkuutaanut isumaqatigiissutinik atueqatigiittunut, immikkut konto-normunik pilersitsissaaq, apeqqutaaginnassalluni isumaqatigiissutit soraarnerussutisiassat qassit isumaqatigiissuteqarfigisimanerai.
 

Assersuut:

Suliffeqarfik SIK-imik isumaqatigiissutinik atuisunik sulisoqarlunilu isumaqatigiissuteqarsimasoq aamma tamatuma saniatigut atorfilinnut qaffasinnerusunut immikkut isumaqatigiissusiorsimasoq funktionæritut taasanik.

Konto-normut uku pilersitsissunneqassapput

  • SIK malillugu isumaqatigiissutinik atuisunut.
  • Atorfilinnut Funktionæritut taasanut isumaqatigiissutinik atuisunut.

 

Pingaarutilerujussuaq

Eqqortumik soraarnerussutisiassanut akiliutit inissinneqarsimanissaat qulakkeersinnaajumallutigu sulisorisap akiliunneqartup cpr. normuata kisitsisitai qulit allaffissiami / ungaluusami ”Tekst til modtagerens kontoudskrift”-imi allanneqassapput kittoraasernagit.

 

Netbank atorlugu toqqaannartumik nuussineq

Pingaaruteqarpoq illit nammineq sulisorisap cpr. normua = qulinik kisitsisitalik kittoraasernagu allaffissiami / angaluusami ”Tekst til modtagerens kontoudskrift”-imi allassagakku.

 

Akissarsianut aqutsisussut atortarukku – soorlu C5

Akissarsianut aqutsissummi / Lønsystem -imi paasissutissat sulisorisamut tunngasut pilersikkukkit cpr. normut kisitsisitaat qulit allassavatit kittoraasernagit.
 

Naleqqussaaffimmi / I tilpasning af kommafil -imi akissarsiassat ingerlatinneranni atortakkanni aamma Netbank-imut nuussinermi, sulisorisap cpr. normua paasissutissat sulisorisanut tunngasunik paasissutissaasivimmiittut tunngavigissavatit / atussavatit, taamaalilluni paasissutissat taakku ungaluusami ”Tekst til modtagerens kontoudskrift”-imi siulliullutik inissisimassallutik.
 

Imaassinnaavoq akissarsianut aqutsissut alla atorit – pingaarporli “Tekst til modtagerens kontoudskrift”-imi sulisorisap cpr. normua kisitsisinik qulinik kittoraaserneqarani allassimanissaa.

 

Siunnersuutit aamma ilitsersuutit

Apeqqutissaqaruit imaluunniit annertunerusumik ilitsersorneqarnissannut pisariaqartitsiguit saaffiginninnissannut tikilluaqquvatsigit.