SISA - Legati

 

 

 

 

 

 

 

SISA-p inuiaqatigiinni ineriartorneq tapersersorlugulu ilinniartitaanerup qaffassarnerneqarnera peqataaffigerusuppaa, pingaartumik aningaasaqarnikkut ingerlatsinerup ataani immikkullu soraarnerussutisialerinerup iluani tapersersuinikkut.

Ukiut tamaasa legatit marluk immikkut DKK 25.000,- inik aningaasartallit, akileraarut sioqqullugu, agguaanneqartarput.
 

Piumasaqaatit
Legati tunniunneqartarpoq inummut piumasaqaatinik marlunnik ukuninnga naammassinnissinnaasumut:

  • Qinnuteqartoq inuussutissarsiuteqalerniarluni ilinniakkamik imaluunniit Nunatsinni ingerlaqqiffiusumik qaffasinnerusumik ilinniakkamik ingerlataqalersussaassaaq ingerlataqartuussalluniluunniit, pingaartumik ilinniakkanik suliassaqarfigisatta iluaniittuussallutik (inatsisilerineq, aningaasarsiorneq, matematik imaluunniit statistiki).

    imaluunniit
     
  • Qinnuteqartoq qulaani ilinniakkanik taaneqartunik naammassinnissimassasoq aningaasarsiornerullu iluani ingerlaqqilluni annertunerusumik ilinniagaqaqqittuussaaq.

 

Qinnuteqaat

Leqatimik qinnuteqartoqarsinnaavoq allaganngorlugu qinnuteqaasiaq uunga nassiullugu: legat@sisa.gl.

Qinnuteqaatit tamarmik isertuunneqassapput aamma qinnuteqaatit tamarmik akineqassapput itigartinneqarsimagaluarunilluunniit.

 

Qinnuteqaammi ateq, najugaq, attavigineqarnissamut paasissutissat  allanneqarsimaneranut  ilanngullugit allaaserineqarsimassapput uku:

  • ilinniagaqarnissamut pilersaarutit.
  • legatimik tunineqassaguit sumut atornissaa naatsorsuutiginerit. Piumasaqaataanngilarli legatip aalajangersimasumut atorneqarnissaa.
  • Legati akileraaruteqartussaavoq, taamaattumillu akileraarnermut allagartaq qinnuteqaateqarnermi ilanngunneqassaaq, legati tunniunneqassagaluarpat atorneqartussaammat.

Ilisimassavat qinnuteqarninnut atatillugu ilanngullugu akuersigavit atit assillu tamanut saqqummiussinnaassagipput, legatimik tunineqassagaluaruit saqqummiunneqarsinnaassasut. Tamanut takusassiarineqassapput uani www.sisa.gl, Facebook-itsinni aamma imaluunniit Nunatsinni tusagassiutitigut saqqummiunneqassallutik. Legati kingusinnerpaamik 15. august tunniunneqassaaq.

 

 

Qinnuteqarfissaq kingusinnerpaamik 1. juli 2019

SISA imminut piginnaatippoq legatinik agguaassinngitsoornissamut qinnuteqaatit tiguneqarsimasut siunertamut tulluartuussanngikkaluarpata.