SIK–ip isumaqatigiissutai tunngavigalugit akissarsiaqartoq

Soraarnerussutisiassannut aaqqissuussiffigineqarninnut malittarisassat pensionsregulatiivimi allaaserineqarsimasut malinneqarput.

Soraarnerussutisiassanik aaqqissuussinerup siunertaraa qularnaassallugu ilaasortat inuuneq naallugu qaammammoortumik pisartagaqarnissaat. Pisartagaqarnissaq siusinnerpaamik aallartissinnaavoq pisortat soraarninngortarnissamut ukiorititassatut aalajangigaat angusimagaanni.

Pisortat soraarninngornissamut ukioritaasussatut aalajangiussaat Utoqqalinersiutisisarneq pillugu Inatsisartut inatsisaanni aalajangersakkat malinneqarput. Maannakkullu pisortat utoqqalinersiutisitsisarnermut ukiorititarivaat 66-inik ukioqarsimaneq, taannali 2021-imi 67-inik ukioqalersimanissamut qaffanneqassaaq.

Soraarninngornissat sioqqullugu toqukkut qimagutissagaluaruit katersatit tamarmiusut kingornussassanngortitaasunut tunniunneqassapput. Qaniginerpaasatit nammineersumik kingornussisussatut inissinneqarnikuupput. Aalajangersakkat tunngavigalugit illit nammineq kikkut kingornussisussanngortinneqassanersut aalajangersinnaavat taakkulu aningaasat tigussavaat. Tamanna pillugu ”Soraarnerussutisiassat kimit kingornunneqassappat”-imi Immersugassat ataani annertunerusumik atuagaqarsinnaavutit.

Soraarninngoreerlutit toqukkut qimagukkuit, soraarninngoreerninniillu suli ukiut 10-it qaanngiutinngitsut, kingornussisussanngortinneqarsimasunut ukiut qulit qularnaarunneqarsimasut sinneruttut tunniunneqassapput.

Taaneqartut saniatigut soraarnerussutisiassatut aaqqissuussinerit sillimmasiissutinik pingasunik  ilaqartinneqarput:

Meerarisap soraarnerussutisiassai. Soraarninngornissat sioqqullugu toqukkut qimagukkuit taamaalillutillu meeqqat 24-it ataallugit ukiullit qimataralugit meeqqat 24-inik ukioqalernissaat tikillugu ukiumut 5.000 kr.-inik pisartagaqartinneqassapput.

Meerarisat soraarnerussutisiaqarsinnaatitaanerat taamaatissaaq soraarnerussutisiassanut aaqqissuussinermut akiliuteqassaaaraanni, sulisinnaajunnaarnersiutinik tigusartagaqarsimanngikkuit.

Sulisinnaajunnaarnermi tunniuttagaq. Pisortanit siusinaartumik annertunerpaamik sulisinnaajunnaarnersiuteqartitaaguit pisinnaatitaavutit napparsimalerlutit sulisinnaajunnaarnerit sioqqullugu qaammatini kingullerni 24-ini agguaqatigiisillugu akiliutigisarsimasappit annertoqqataanik sulisinnaajunnaarnermik annaasaqarnersiuteqartitaanissannik. Sillimmasernerli taanna unissaaq soraarnerussutisiassannut aaqqissuussinermut akiliissaarsimaguit.

Nappaatit perulunnartut ilaasa sillimmasernerat. Nappaammik perulunnartulimmik nappaateqalersimasutut nalilerneqarsimaguit periarfissaqartitaavutit sillimmaserneqarninnit 100.000 kr.-inik tunineqarnissamut.

Nappaat perulunnartoq tassaasinnaavoq krafteqarneq, qaratsakkut aanaartoorneq imaluunniit taqqakkut milittoorneq. Tamanna pillugu annertunerusumik sillimmasernermi matussusiinerit pillugit sillimmasernermi piumasaqaatit-ini atuagaqarsinnaavutit.

  • Sillimmaserneqarninnit matussuserneqassaguit piumasaqaatit sisamat uku naammassisimassavatit:
  • Sillimmasernermi matussuserneqarsinnaanerit atuutissaaq.
  • Sillimmaserneq atuutilissaaq ilaasortap katersai tamakkiisut 5.000 kr. –ninit amerlanerulerneranniit qaammatip siuliani aningaasariviit ulluinnarni ammaneranni ullormi kingulliup tulliani angusimappatigit.
  • Sillimmasernermi piumasaqaatit malillugit nappaatip nalilerneqarnera matussusiinissamut periarfissiippat aamma sillimmasiinermi piumasaqaatit allattorsimaffiannut  nappaat naapertuuppat.
  • Nappaatit 1. oktober 2018 sioqqullugu nalilerneqartut sillimmasernermi matussuserneqanngillat.

Soraarnerussutisiassatut katersatut toqqortikkat akileraarnermi ilanngaatigineqarsinnaammata tunniussinerni tamani akileraarummut akiliisoqartassaaq.

 

1. novembari 2016 aallartiffigalugu SISA-mi niuerneq tunngavigalugu erniaqartitsisoqalissaaq.

Aallarniut

Allakkiami matumani nassuiaassutigineqarpoq soraarnerussutisiaqalernissamut aningaasaateqarfiup erniaqartitsinerminik allanngortitsinera agguaqatigiissitsilluni erniaqartitsinermit niuerneq tunngavigalugu erniaqartitsinermut, aamma iluaqutaasut assigiinngissutillu allanngortitsinermit pisut.

Atuaruk